Plantun de Prouvènço

Pèr coumpara dos planto d'encò nostre

Polypodium vulgare & Agropyron cristatum subsp. pectinatum

Regalisso-bastardo

Polypodium vulgare

Polypodiaceae

Àutri noum : Regalisso-de-chivau, Regalisse-bastard, Poulipòdi.

Nom en français : Polypode commun.

Descripcioun :
La regalisso-bastardo trachis au nostre subretout en mountagno sus sòu séusous. I'agrado li roucas e li bos fres. Pèr la bèn destria de sa cousino, Polypodium interjectum, faudrié regarda lis espourange au microuscope (x 100) pèr verifia que i'ague mai de 11 celulo à l'assiso mecanico. Pamens lis espourange devènon madur l'estiéu eici alor que pèr P. interjectum, es en autouno. De nouta tambèn qu'aquesto assiso èi mai sourno eici (fotò-sèmblo un vèrme brun).

Usanço :
La regalisso-bastardo tèn soun noum de soun rizoumo (fotò) qu'a lou goust de la regalisso. Tastas ! Es uno planto vertuouso contro lou tussi, lou quiéu tapa e li vèrme. Peréu èi diuretico e coulagogo.

Port : Pichoto planto lignouso
Taio : 10 à 30 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Polypodium
Famiho : Polypodiaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 0 à 2300 m
Aparado : Noun
Juliet à setèmbre

Liò : Roucas - Bos fres
Estànci : Coulinen à Subaupen
Couroulougi : Éurasiatico
Ref. sc. : Polypodium vulgare Shivas, 1961

Grame(-peitina)

Agropyron cristatum subsp. pectinatum

Poaceae Graminaceae

Nom en français : Chiendent pectiné.

Descripcioun :
Aquéu grame, dóu gènre Agropyrum, trachis dins li tepiero seco di cresten venta. Resisto proun à la secaresso. Se recounèis à sis espigo sus dos renguiero (distico) emé d'espigueto à 40°. La lengueto èi courteto e lou limbe de la fueio un pau larg mai enroula. Proun raro, la planto èi marcado sus listo roujo categourìo EN, en dangié.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,4 à 0,8 m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Agropyron
Famiho : Poaceae
Famiho classico : Graminaceae
Tribu : Triticeae
Ordre : Poales

Coulour de la flour : Verdo
Petalo : ges
Ø (o loungour) enflourejado : 2 à 5 cm
Flourido : Printèms - Estiéu

Sòu : Ca
Autour basso e auto : 1200 à 1400 m
Aparado : Noun
Jun à juliet

Liò : Tepiero seco sus cresten
Estànci : Mountagnard
Couroulougi : Eurimediterrano-Nord
Ref. sc. : Agropyron cristatum subsp. pectinatum (M.Bieb.) Tzvelev, 1970 (= Triticum pectinatum M.Bieb. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

Polypodium vulgare & Agropyron cristatum subsp. pectinatum

ges

RRR

Coumpara Regalisso-bastardo emé uno autro planto

Coumpara Grame(-peitina) emé uno autro planto